SA PAGSUBANG SA BULAN UG ADLAW
BY: Roland Pacudan –June 29,2010
Sa pagsubang sa bulan
Nakita ko ang kahayag
Gialirongan sa kangitngit
Uban sa madanihong paghagit
Ang imong kaanyag nga panagway
Inubanan sa hugot kong pag gakus
Nakahatag nako sa kalipay
Nga unta atong gugma di mahimong isalikway
Ikaw ang akong kinabuhi
Tinuod nga gugma dili lang usa ka mithi
Mabati mo akong pitik sa kasingkasing
Matag adlaw daw gamut nga misalingsing
Ikaw ang akong paglaum
Sa akong kinabuhi kung duna may mag dag- om
Ikaw maoy maglinaw sa akong hunahuna
Ikaw ray madumdum nako matag takna
Sa pagsubang sa adlaw
Makita ko ang kalinaw
Nga naghatag sa tumang kalipay
Daw sama sa matahum mong panagway.
