Koj ne dhuav dhuav kuv os
nyob muaj ib hnub, kuv tuag lawm ces
koj tsa tsis sawv, koj hu tsis hnov
ncauj qhuav li qho ntsej muag daj nrhuv
koj yuav hlub hlub tsis txawj tas os
koj ne tsis hlub kuv os
nyob muaj ib hnub kuv siav tu nrho
koj mam li pw txaj chaw txias to
vaj tsev nqha nrig tsis muaj kuv nyob
lub npe yawg ntsuag koj yeej yuav hnov
** kuv nrog koj nyob... los tau ntau lub xyoos
txawm phem thiab zoo.. yog koj tus poj niam
luag teb luag chaw saib taug me ntsis
los koj tseem saib kuv tsis muaj nqis
txog hnub koj ntsib koj mam li paub
muaj ib hnub koj nco txog kuv
koj mam tuaj quaj tuaj hu tom ntxa
saib kuv no sawv puas tau rov qab
los nrog koj nyob zoo li yav tas
saib ntuj puas tshav rau koj lub neej os
