Eyjan forna (french song about Iceland/Translating
Translating in on my website
Eyjan forna = L'île d'autrefois (Cron-bneu)
Same as Cron-bneu french band.
Lyrics
Hraunbreiður með steinrunna fingur, í fölgrænum mosahönskum, flekkuðum fornbrúnu, breiða úr sér í dölum eins og hrjúfur dúkur undir skáhallri birtu góðviðrisdaga.
Ganga svo langt að gamla hafið hörfar umhverfis frjóvguð sker.
Eyjan fæðist. Jarðskorpuverk. Atlantsspíra.
Jöklar, kyrrlátir, stöðugir að sjá, sveipa og hylja bratta tinda, líkt og lófi hylur köngul.
Kræklóttir rífa sig firðir frá hafi. Hátignarlegir hamrar kvikir af lunda.
Falla fossar með hvelli, glymja hátt á þyrpingu steinrunninna kletta við Dettifoss.
Foss úr mjúkum miði gljáfægir stuðlabergið undir Svartafossi.
Og milli sandanna breiðu og grýttra auðna eru gilin græn og gras svo þykkt að þar leggjast hestarnir værir.
Sprungur, stöðuvötn mánans, goshverir, gapandi gígar … hún er fögur allt ofan í ólgandi hveri.
Björt yfirlitum og brosmild undir marglitum þökum sem hrinda frá sér langri nótt.
Og á kvöldin, löngu áður en nóttin hættir að vera björt fram eftir öllu, segir hún sögurnar úr ungri sögu eyjarinnar fornu.
Fótumtroða hraun eftir þúsund gos
Sjá gráa eðju bullsjóða
Þar sem sköpunarsaga virðist skráð
Slær eyja með glóð í hjarta
Feta sig eftir tungum Vatnajökuls
Snerta bláma íssins sem hann mótar
Þar sem aldrei slokknar á himni
Ljómar eyja mildu skini
Fara eftir hvölum á Húsavík
Hlýða á íshafsins köll
Þar sem sjórinn ræður ríkjum
Liggur draumaeyja
Flakka frá blásól að blámóðu
Anda að sér engin og steinblóm græn
Þar sem freyðir vatn frá sprungu til sprungu
Hlær eyja sem angar af heyi
Flæða um heitar lindir og laugar,
Gleyma brennisteinsmenguðuvetni
Þar sem vatn er í öllum myndum sínum
Blæðir eyjan hraunflóði
Fanga hey í vetrarforða
Hjá bæ hvar hús eru gul og græn
Þar sem menn nærast af trú á lífið
Lifir eyjan forna
Lifir eyjan forna
Translating by Ólöf Pétursdóttir
Comments
The artist currently doesn't allow comments.
