Xyoo no nas ...
Cas txooj xyoob . txawm rau nruab roob
Cua tuaj ntsawj . txooj xyoob yuav lov
Plees nkauj nraum . zoo luaj li no
Daj dee tsis sib tau . cia txhob dag rov tuaj thaum ntxov
Cas txooj xyoob . txawm rau nruab roob
Cuaj tuaj ntsawj . txooj xyoob yuav vau
Plees nkauj nraum . zoo luaj li no
Daj dee tsis sib tau . cia txhob dag rov tuaj thaum yau
Xyoo no nas ...
Cas paj huab ncua . tawg tuaj rau saum tsua
Yuav dauv sua . tuaj mus puv toj
Plees nkauj nraum . zoo luaj li no
Daj dee tsis sib tau . yuav qaug lub zog tsis xav mus ua noj
Cas paj huab ncua . tawg tuaj rau saum tsua
Yuav dauv sua . tuaj mus puv hav
Plees nkauj nraum . zoo luaj li no
Daj dee tsis sib tau . yuav qaug lub zog tsis xav mus ua hnav
Xyoo no nas ...
Yuav los kob nag . tshauv nag ntxiaj ntxaum
Ntxaum li ntxhiav . daim teb mus av liab
Plees nkauj nraum . zoo luaj li no
Daj dee tsis sib tau . thiaj khaws tau txoj kev mus lwj siab
Yuav los kob nag . tshauv nag ntxiaj ntxaum
Ntxaum li ntxhiav . daim teb mus av dub
Plees nkauj nraum . zoo luaj li no
Daj dee tsis sib tau . thiaj tsis nrog luag muaj . txoj kev sib hlub
Chim lub lam xeeb . tiam no daj dee tsis tau koj
Ntshe yuav kho kho . kuv lub siab . mus txog hnub ploj
Ho ... yua ...
