SA PANUMDUMAN DI MA PAPAS
BY: ROLAND PACUDAN – OCTOBER 2010
Buot ko ikaw kalimtan
Apan sa akong panumduman
Dili mawala sa akong dughan
Kay ingon ka daku
Ang gugma ko kanimo.
Ato kining gisulayan
Sa daghang panahon
Apan kung tuyoon ko paglimot
Mosamot ako pagdumdum kanimo
Sa panumduman di mapapas
Ang nindot mong hulagway
Ang kalami sa imong paguraray
Makadugang sa akong gugma
Nga dili ko ikalimot.
Kung mahitabo man
Nga mobulag ka kanako
Hunahunaa nga nia ako
Sa kanunay nagahulat
Sa imong pagbalik
Sa akong mga kamot
Kay gusto ko
Ikauban ka sa langit.
